Усталык апшаткудыш марий сӱан годым ӱдыр але каче суртышто эртарыме шым йӱла дене палдарыме:

 — «Вургемым чиктымаш»: Морко район Кӱчыкэҥер тӱвыра пӧрт пеленысе «Муро сем» фольклор ансамбль (вуйлатыше – Кутузова Ирина Валерьевна);

 — «Каче сурт гыч кайымаш»): Звенигово район Ташнур тӱвыра пӧрт пеленысе «Алан» калык фольклор ансамбльже (вуйлатыше – Дружинин Алексей Николаевич);

 — «Ӱдырын суртышто»: Шернур районысо рӱдӧ тӱвыра полатын усталык коллективше (вуйлатыше – Пакеева Тамара Ивановна);

 — «Шондыкым погымаш»: Морко район Кучкопамаш тӱвыра пӧрт пеленысе «Мурок умыл» фольклор ансамбль (вуйлатыше – Григорьева Елена Валерьевна);

 — «Ӱдырым сурт гыч лукмаш»): Курыкмарий район Эмансола рӱдӧ тӱвыра пӧрт пеленысе  «Шанавӹл» калык фольклор ансамбль (вуйлатыше – – Суворова Галина Валерьевна);

 — «Каче суртыш толмаш»: Марий Турек район Арбор тӱвыра пӧрт пеленысе «Арбор вел» фольклор ансамбль (вуйлатыше – Прохорова Наталья Фёдоровна);

 — «Почеш толмаш»: Советский район Кельмаксола тӱвыра пӧрт пеленысе «Муро аршаш» калык фольклор ансамбль (вуйлатыше – Тетерина Марианна Васильевна).

Пермь кундем Суксун район Кызганде ял гыч Марий Элыш унала толшо марий меръеҥ Панькова Галина Андреевна усталык апшаткудын участникше-влакым урал марий сӱан муро дене палдарен.

Мероприятий кышкарыште «Свадебные обряды марийцев» этнографий сборникын презентацийже эртен. Тудым ойпогым чумырышо, МарНИИЯЛИ-н шанче пашаеҥже Калинина Ольга Александровна вӱден.

Усталык апшаткудыш толшо-влакым Марий тӱвыра рӱдерын директоржо, Кугыжаныш Погынын депутатше Наталья Васильевна Пушкина, Марий Оньыжа Эдуард Васильевич Александров, Тӱвыра, савыктыш да калык-влакын пашашт шотышто министерствын пӧлкажым вуйлатыше Михаил Валерьевич Чемышев, МарНИИЯЛИ директорын алмаштышыже Людмила Яковлевна Григорьева саламленыт, марий тӱвырам вияҥдымаште да калык коклаште шарымаште надырыштым палемденыт.