Тений куд команде ушнен. Кӧмыт тушко ушнен? Марий кугыжаныш университетын «Йолташики» командыш кокымшо курсышто тунемше-влак Виктория Емельянова, Юлия Горохова, Кристина Мамаева, Алина Милютина, Татьяна Дмитриева да Ирина Петрова (капитан) ушненыт.
Морко район гыч мыскараче кумылан кок тӱшка толын. «Латкок подкогыльо» команде районысо тӱвыра пашаеҥ-влак Владислав Федоровым (капитан), Маргарита Федоровам, Валерий Петровым, Валентин Петровым, Валентина Егоровам, Ирина Кутузовам, Эмма Семеновам, Валентина Павловам, Андрей Васильевым, Анастасия Боголюбовам, Александр Семеновым, Вероника Ивановам ушен. «РЦКД» командын участникше-влак Дина Павлова, Алевтина Иванова, Александр Филатов, Ринат Аюпов, Владимир Дмитриев, Любовь Кириллова, Лариса Эманова, Александр Яковлев Морко тӱвыра полатым чапландареныт. Палемдыман, тиде кундемыште район кӱкшытыштӧ марий КВН эртен, эн сайжым регион кӱкшытыш колтымо.
Шернур район гыч «НУРВЕЛ» команде тӱрлӧ ийготан, тӱрлӧ верыште пашам ыштыше, тыгак школышто тунемше-влакым ушен. Туныктышо-влак Лилия Волкова, Ольга Горохова, Людмила Ямбаршева, тӱвыра пашаеҥ Лариса Еменгулова, меръеҥ Алевтина Виноградова, поэт Татьяна Токтарова, тунемше-влак Юлия Овечкина, Артем Якимов, Василий Рукавишников, Ксения Волкова, Александр Ветищев командын капитанлан чолга рвезе Дмитрий Веденькиным ойыреныт.
Визымше, «Кечан кече», командым журналист, мер пашаеҥ Валентина Семёнова вуйлатен. Командыш Йошкар-Оласе туризм увер рӱдерын вуйлатыше Мария Иванова, чоҥышо Илья Воронов, Марий самырык театрын артистше Михаил Александров, туныктышо Роман Шабдаров ушненыт.
Волжский район Карай ял гыч «Шийгорно» командым Надежда Ильина чумырен. Командыш пенсионер-влак Татьяна Максимова, Людмила Савинова, Вера Юсупкина, «Тепловые сети» ООО-н пашаеҥже Людмила Морозова, тыгак Маргарита Короткова ден Сергей Савинов ушненыт.
Марий предприниматель-влак КВН-ыш ушнышо команде-влаклан пӧлекым ямдыленыт. Кажне участник «Плёс» ООО (вуйлатыше В.Воронцов) деч пӧлкым кучыктымо. Тыгак номинацийлаште посна мыскараче-влакым палемдыме.
«Эн ӱшанче капитан» номинацийыште Шернур район «Нурвел» командын капитанже Дмитрий Веденькин палемдалтын. Дмитрийлан посна призым «Йошкин» ООО-н генеральный директоржо Владимир Аптулаев кучыктен.
«Мыскараче пӧръеҥ» номинацийыште «Кечан кече» командын еҥже, ныл КВН-ыште мыскараче кумылжым почшо Илья Воронин сеҥен, М. Шкетан лӱмеш Марий драме театр спектакльыш ӱжмашым пуэн.
«Мыскараче ӱдырамаш» – тиде Морко кундем гыч «РЦКД» командын еҥже Алевтина Иванова. Алевтина Александровналан пӧлек шотеш – Марий самырык театр деч спектакльыш ӱжмаш.
«Эн пӱсӧ мыскара» номинаций дене Волжский районысо Карай ял гыч «Шийгорно» команде (капитан Надежда Ильина) палемдалтын. Командылан «Марий Эл» газет» ООО деч посна призым кучыктымо.
«Кугарня» газет шке призшым Марий кугыжаныш университетын «Йолташики» командылан кучыктен.
Марий КВН-2022 фестивальын сеҥышыже – «РЦКД» команде.
Кокымшо верыш «Кечан кече», кумшыш – «Нурвел» команде-влак лектыныт.
Сеныше радамыш логалдыме кажне командылан сетрификатым кучыктымо.
Марий КВН-ым Марий тӱвыра рӱдер Тӱвыра, савыктыш да калык-влакын пашашт шотышто министерствын полшымыж дене эртарен.
