8 — 12 декабрьыште Йошкар-Олаште икымше гана Марий Элын креативный индустрий кечыже-влак эртат.
Мероприятийын тӱҥ событийже – ий еда эртаралтше «Тӱвыраште у» форум.
Вич кече жапыште кундемнан рӱдолажын площадкылаштыже дизайн, арт- ден инфент-индустрий, театр сымыктыш, медиа, креативный образований да моло дене кылдалтше 35 наре мероприятий эрта.
Спикер-влак Российысе да тыгак тудын деч ӧрдыжтат креативный индустрийым вияҥдыме тренд-влакым каҥашен налыт.