Марий Элыште — Сеҥымаш Салют. Тиде уло Российыште Кугу Отечественный сарыште сеҥымылан 80 ий теммылан пӧлеклалтше эн кугу фестиваль.
Ты амал дене МЭТР телеканал у проектым ямдыла. Тиде арня гыч эфирыштына «Сеҥымаш Салют» калык усталык фестивальын телеверсийжым ончаш темлена. Съемочный группына-влак республикынан районлашкыже миен коштыт. Мемнан корреспондентна-влак коллектив-влакын фестивальлан кузе ямдылалтмышт нерген каласкалаш тӱҥалыт. Республикынан кажне муниципал районжо ты проектыш ушна. Фестиваль 31 январьыште тӱҥалтышым налеш.