«Lingva-Территорий» йылме фестиваль тений 9-ше гана эртаралтеш. Тушто шочмо йылмын ковыралыкше, илыш-йӱла да тӱвыра, шочмо элын але кундемын сӧраллыкше нерген каласкалаш да ончыкташ тӱҥалыт. Тудо Марий кугыжаныш университетын Калыкле тӱвыра да тӱвыра кокласе коммуникаций институтышто лиеш. Мероприятий 12 шагатлан тӱҥалеш.

Чылаже 27 йылме дене палдараш тӱҥалыт. Тиде – англичан, француз, азербайджан, узбек, туркмен, афган (пушту да фарси), араб, корей, татар, таджик, чуваш, удмурт, мордва, финн, коми, карел, турецкий, итальян, эстон, немыч, испан, персид, хинди, ханты йылме-влак. Марий Элын кугыжаныш марий да руш йылме-влакым виш урок семын эртараш палемдыме. Презентаций 25 минут шуйна.

Кодшо ийысе семынак тений фестиваль офлайн да онлайн йӧн дене эртаралтеш. кокымшо йӧн дене ялысе школлаште тунемше-влак пайдаланат.

Фестиваль «2013-2025 ийлаште Марий Эл Республикын кугыжаныш национальный политикыже» кугыжаныш программым илышыш шыҥдарыме кышкарыште эртаралтеш.

Мероприятийым Тӱвыра, савыктыш да калык-влакын пашашт шотышто министерствыже да Марий кугыжаныш университетын полшымышт дене Республикысе марий тӱвыра рӱдер эртара.