Марий тӱвыра рӱдерын пашаеҥже Андрей Чемышев интернетыште кучылтмо mari-Lab ресурс нерген келге да оҥай умылтарымашым ыштен.
Палемдыман, марий йылмым тунемше курсыш тӱрлӧ ийготан, тӱрлӧ калык гыч лекше, марий тӱвыра деке шӱман еҥ-влак коштыт.
— РОО «Мари ушем» умбакыжат марий йылме курсым шуяш тӱҥалеш, вет мыняр вес калык гыч тунемше толеш, тунар йылме илаш тӱҥалеш манын ӱшанен кертына, – палемдыш мер ушемым вуйлатыше Василий Петров.
