– Шуко самырык авторлан, нунын коклаште мыланемат, сылнымутыш корным почын пуышо мутмастар Вячеслав Александрович Абукаевын шочмыжлан тений 65 ий темеш. А фондым ыштымылан – 10 ий. Тидын лӱмеш «Марий йылме да тӱвыра верч» шарнымашан медальым луктынна, – палемдыш фондын вуйлатышыже, II ранган капитан, прозаик Василий Краснов.

Тудын мутшо почеш, марий йылмым да тӱвырам аралымаште тыршыше да кугу надырым пыштыше 50 еҥ медаль дене палемдалтеш. Медальын дизайнжым (фотошто ужыда) Марий Элын сулло сӱретчыже Сергей Таныгин ден «Ший памаш» фонд вуйлатышын алмаштышыже, прозаик Юрий Соловьев ыштеныт. Чап таныкым велыме дене кылдалтше чыла йодышым Марий национальный конгресс вуйлатыше, «Марий Эл» савыктыш пӧрт» предприятийын директоржо Эдуард Иманаев виктарен шоген.

«Марий Эл»газетын архивше гыч фото.