Пайрем кышкарыште тӱрлӧ шӧрынан, марий тиштынам вияҥме корныжым лончылышо, самырык тукымым кугезе коча-кованан йылмыжым, эртыкшым пагалыме кӱкшытан 12 мероприятий лийыт.

Иктыже – «Ший калыкын талешкыже» сылнымут вашлиймаш. Тудо Марий Эл Республикын калык писательже Л.Л. Яндаковын 90 ий темме лӱмеш эртаралтеш. Театрын изи залыштыже 13.30 шагатыште тӱҥалеш.

Программыште:

 — «Чон почын…» видеосюжет (Г. Гордеевын Л. Яндаков дене видеосюжет, 2001 ий);

 — «Леонид Яндакын творчествыштыже – марий калыкын историйже» темым педагогике шанче кандидат, Марий кугыжаныш университетын «Марий школ» лабораторийжым вуйлатыше Виталий Михайлов тарвата;

 —  «Леонид Яндакын йоча-влаклан возымо произведенийже-влак» теме дене «Россий писатель ушем» Российысе мер организацийын Марий Эл Республикысе регион пӧлкажым вуйлатыше Светлана Архипова мутым налеш;

 — «Леонид Яндак – пӱртӱс еҥ» темым «Морко мланде» газетын тӱҥ редакторжо, Россий журналист ушемын йыжъеҥже Анатолий Титов нӧлталеш.

Пагален вучена!