Вашлиймаште рӱдерын вуйлатышыже Василий Петров, Верысе администраций вуйлатыше Иван Евсеев, «Передовик» ялозанлык артель вуйлатыше, Марий Элын кугыжаныш погынын депутатше Юрий Игнатьев, школ директор Сергей Григорьев да тудын алмаштышыже Татьяна Сидорова, верысе тӱвыра тӧнежын вуйлатышыже ден пашаеҥже-влак лийыныт.

Вашлиймаш годым Ӱярня курык кушто верланыме нерген каҥашыме, уремыште модыш-влак кушто эртаралташ тӱҥалыт ончымо. Технический йодыш-влакат каҥашалтыныт.
Йоча ӱярня пайремыш тошто йӱлам пурташ кӱлмӧ нерген ойлымо. Курык гыч кӱнчылавондо, ийвол дене мунчалташ манын ойлымо.