Кумылан еҥ-влак «Салтак солык» акцийыш ушнен кертыт. Тидлан 52х52 см. форман материалыш (темлена габардиным) салтакын фамилийжым, лӱмжым, ачалӱмжым, сарыш кайыме, колымо, йоммо ийым, воин званийым да суаптарым (наградым) тӱрлыман. Материалым посна тӱсаным ойырыман: сареш вуйым пыштышылан — йошкарге, сареш йомшылан – ошо, сар деч вара колышылан – ошалге канде.

Фестиваль деч вара, тӱрлымӧ солык-влакым иктыш урген, Т.Е.Евсеев лӱмеш тоштереш вераҥдат.

Фестивальым эртараш полшат: Марий Эл тӱвыра, печать да калык-влакын пашашт шотышто министерстве, Туныктыш да шанче министерстве, Финн-угор университет-влакын студент да аспирант-влакыштын ассоциацийышт да Марий кугыжаныш университет, Марий Эл Республикысе самырыктукым ассамблей.