Республикысе марий тӱвыра рӱдер пелен калык театр угыч шке пашажым тӱҥалеш. Тений гыч тудым Марий Эл Республикын калык артисткыже Светлана Васильевна Строганова вуйлата.

Артист кумылан, шкем сценыште модшо коклаште ужаш шонышо 18 ияш деч кугурак ийготан еҥ-влакым вучена. Калык театрыште студент-влакымат ужаш шонена, ончыкылык илыш да паша кучемыштышт калык коклаште шкем кучен моштымашым мемнан театрыште мӧр пырчыла погаш йӧн лиеш.