У тунемме ийыште тунемме да паша кечыда тек тӱвыргын, весела кумыл дене эртышт. Тунемше-влакын мӧр пырчыла погымо шинчымашыштым Марий тӱвыра рӱдерын эртарыме таҥасымаш да уш-акылым пойдарыме мероприятийлаште ончыкшымат почын пуаш тыршыза. Кылна пеҥгыде лиеш манын ӱшанена.

Рӱдер йоча-влаклан ятыр мероприятийым эртара. Теве тений пелийыште латкокыт лийын. Тушто кажне гаяк районысо да оласе школла да йочасадла гыч йоча-влак шке пашаштым араленыт, почеламутым йоҥгалтареныт, мурымаш да куштымаш таҥасымашлаште вийыштым тергеныт. Ончыкшымат

Тау, тыланда, туныктышо да тунемше-влак!

Шинчымаш кече дене, йолташ-влак!

Марий поэт А. Букетов «Сентябрь» почеламутыштыжо у тунемме ийысе икымше кече нерген тыге воза:

Кидеш сумкам,

Чевер пеледышым кучалын,

Каят йоча-влак

Школыш куанен.

Тул-кайык семын

Шӧртньӧ шулдырым лупшалын,

Иеш эр кече

Нуным саламлен.

Шӱм вургыж

Вашлиям мыят тунемме ийым,

Почам ушан книгала

Школ омсам.

Чучеш,

Йомакысе чолга тул-кайык лийын,

Пурем почаш

Сандалыкнан окнам.