Пӱртӱсышто чылажат: кечыжат, шӱдыржат, мардежшат, кушкылжат, пушеҥгыжат – чонан, еҥ ойлымым умылен, ойгым, куаным шижын мошта манын, ожнысо еҥ шотлен. (Валериан Васильев)

Пӱртӱс дене айдеме семын кояш кӱлеш. (Миклай Казаков)

Марий кундемын пӱтынь поянлыкше чодырак веле…Чодыра дене ме калыкым туныктен, тазаҥден кертына. Садлан чодыранам эскерен шогаш кӱлеш. (М.Шкетан)

Пӱртӱсым сеҥаш тӧчымӧ – ава деч кугу лияш тӧчымӧ, тудым пагалыдыме дене иктак. (Мария Илибаева)

Нигунам пӱртӱс дене ит шурго марий еҥ, тудлан Юмым кумал. (Геннадий Ояр)

Чодыра – черемисын шнуй тӱняже. (Галина Шкалина)

Пӱртӱс чылалан – ӱмыраш суртна. (Зоя Дудина)

Моторлык, каласен тоштыеҥ, тиде пӱртӱс. Тыште чылажат кӱлеш семын, шинчалан, пылышлан, кӧргӧ чонлан келшышын, илышлан йӧнештарен ыштыме. (Галина Шкалина)

«Нылле ик порылыкым налын…» книгалан эҥертен возымо.

П.Васильевын фотожо.