«Марий хорым» 2022 ий ноябрьыште марий муро культурым калык коклаште шарыме шонымаш дене почмо.

Репертуарыш профессионал да самодеятельный марий композитор-влакын, тыгак калык коклаште шочшо эн куатан муро-влакым налме. Нуным акаппельне, семӱзгар деч посна, тыгак кызытсе аранжировкылан эҥертен йоҥгалтарат.

Коллективыш тӱрлӧ ийготан да профессиян 14 еҥ ушнен. Нунын кокла гыч икмынярынже профессионал улыт.

Вуйлатыше — Н.В. Мушкина, музыковед.