2024 ий гыч Марий тӱвыра рӱдер пелен «Йоча йӱк-йӱан» вокал-хореографий студий пашам ышта.
Тудым Сапёрова Анастасия Константиновна, тӱнямбал кӱкшытан конкурс-влакын лауреатше, вуйлата.
Ийгот шот дене ансамбль кок тӱшкалан шелалтеш: йоча (7-12 ияш марте). кокла (13-35 ияш марте). Тыгак йоча дене посна занятий эртаралтеш.
Коллективын репертуарыштыже эстраде, патриотик, калык да лирике муро да куштымаш-влак улыт.
«Ме эше самырык коллектив улына. Муро да куштымаш гоч марий йылмым йӧратыме кумылнам почына, кундемнан да калыкнан йӱлажым да тӱвыражым аралаш да самырык тукым коклаште шараш тӱҥалына», – палемдыш студийым вуйлатыше А. Сапёрова.