Ансамбльым 2017 ийыште чумырымо. Тудо кум мурызым уша. Кажныже марий калык семӱзгарже-влакым шокта да мура.

Репертуарыште олык да эрвел марий-влакын калык да эстраде муро-влак улыт.

Республикыште да марий-влакын тӱшкан илыме регионлаште ансамбльым шокшын да порын вашлийыт.

«Сото вий» «Алтын Майдан» тӱнямбалсе фольклор инклюзив фестивальыште сеҥен, тыгак «Этнокараоке. Российысе калык-влакын йылмышт дене мурена» проектын участникше.

Ансамбльым Э.В. Петрова, Марий Эл Республикын тӱвыран сулло пашаеҥже, вуйлата.