Ансамбльым 1999 ийыште чумырымо. Коллектив республик да регион-влак кӱкшытан «Шорыкйол», «Ӱярня», «Кугече», «Угинде» йӱла, «Пеледыш пайрем», «Марий тиште кече» официал да кугыжаныш пайрем-влакым эртарымаште кугу надырым пышта. Нине мероприятий-влакым Марий тӱвыра рӱдер эртара. Ансамбль республик да тӱнямбал конкурслаште ятыр гана сеҥыше радамыш пурен.

Ансамбльым А.В. Волков, Марий Эл Республикын калык артистше, А.А. Сергеев вуйлатеныт. 2015 ий гыч Э.В. Петрова, Марий Эл Республикын тӱвыран сулло пашаеҥже, сомылым виктара, аккомпаниатор семынат тырша.